ആർഎസ്എസിന്റെ നൂറാം വാർഷികാഘോഷത്തിൽ മോദി.. ആർഎസ്എസിനെ പുകഴ്ത്തി മോദി.. പ്രത്യേക സ്റ്റാമ്പും നാണയവും…
ആർഎസ്എസിന്റെ നൂറാം വാർഷികാഘോഷ പരിപാടിയിൽ പ്രധാനമന്ത്രി മുഖ്യാതിഥി. ആർഎസ്എസിനെ പുകഴ്ത്തി മോദിയുടെ എക്സ് പോസ്റ്റ്. രാജ്യതാൽപര്യം മുൻനിർത്തി ലക്ഷക്കണക്കിന് ആർഎസ്എസ് പ്രവർത്തകർ ഒരു നൂറ്റാണ്ട് പ്രവർത്തിച്ചുവെന്ന് മോദി കുറിച്ചു.ദില്ലിയിൽ നടക്കുന്ന പരിപാടിയുടെ ഭാഗമാകാൻ സാധിക്കുന്നത് ഭാഗ്യമെന്നും മോദി എക്സിൽ കുറിച്ചു. ആർഎസ്എസിന്റെ സംഭാവനകളെ പ്രകീർത്തിച്ച് പ്രത്യേക സ്റ്റാമ്പും നാണയവും മോദി ചടങ്ങിൽ പുറത്തിറക്കും.
രാവിലെ ദില്ലിയിലെ അംബേദ്കർ ഇന്‍റർനാഷണൽ സെന്‍ററിൽ നടക്കുന്ന ചടങ്ങിലാണ് മോദി മുഖ്യാതിഥിയാകുന്നത്. നേരത്തെ ആർഎസ്എസിന്റെ നാഗ്പൂരിലെ ആസ്ഥാനം സന്ദർശിച്ച മോദി, സർസംഘചാലക് മോഹൻ ഭാഗവതിന്‍റെ 75ആം പിറന്നാൾ ദിനത്തിൽ ആശംസകൾ നേർന്ന് ലേഖനവും പ്രസിദ്ധികീരിച്ചിരുന്നു.പിന്നാലെയാണ് വീണ്ടും ആർഎസ്എസ് വേദിയിൽ മോദി എത്തുന്നത്.
