തടവുകാര്‍ ജയില്‍ ഉദ്യോഗസ്ഥനെ ആക്രമിച്ചു.. കൈക്ക് പൊട്ടല്‍…
കാക്കനാട് ജില്ലാ ജയിലില്‍ റിമാന്‍ഡ് തടവുകാരുടെ അക്രമത്തില്‍ ജയില്‍ ജീവനക്കാരന് പരിക്കേറ്റു. അസിസ്റ്റന്റ് പ്രിസണ്‍ ഓഫീസര്‍ അഖില്‍ മോഹനന് ആണ് പരിക്കേറ്റത്. ഇന്നു വൈകീട്ട് മൂന്നരയോടെയായിരുന്നു സംഭവം.അമ്പലമേട് പൊലീസ് സ്റ്റേഷനില്‍ പൊലീസിനെ ആക്രമിച്ച കേസിലെ പ്രതികളാണ് ജയില്‍ ഉദ്യോഗസ്ഥനെ ആക്രമിച്ചത്. സഹോദരങ്ങളായ അഖില്‍ ഗണേശന്‍, അജിത് ഗണേശന്‍ എന്നിവരാണ് അക്രമം അഴിച്ചുവിട്ടത്.
പ്രതികള്‍ തമ്മില്‍ ഏറ്റുമുട്ടുകയും തടയാന്‍ ചെന്ന ജയില്‍ വാര്‍ഡന് പരുക്കേല്‍ക്കുകയുമായിരുന്നു എന്നാണ് വിവരം.അഖില്‍ ഗണേഷ്, അജിത് ഗണേഷ് എന്നിവരാണ് ഏറ്റുമുട്ടിയത്. മറ്റൊരു പ്രതിയെ ആക്രമിക്കുന്നത് തടയാന്‍ ചെന്ന അഖില്‍ മോഹന്റെ കൈ തിരിച്ച് ഒടിക്കുകയായിരുന്നു. അദ്ദേഹത്തിന്റെ വിരലിന്റെ എല്ലിന് പൊട്ടലുണ്ട്. മറ്റു ജീവനക്കാരാണ് പ്രതികളെ പിടിച്ചു മാറ്റിയത്.
