ഇന്ത്യയുടെ ഓസ്കര്‍ പ്രതീക്ഷക്ക് നിരാശ.. ‘അനുജ’ പുറത്ത്….
ഇന്ത്യയുടെ ഓസ്കര്‍ പ്രതീക്ഷകളെ തള്ളി ഡച്ച് ഭാഷയില്‍ പുറത്തിറങ്ങിയ ‘ഐ ആം നോട്ട് എ റോബോട്ട്’മികച്ച ആക്ഷൻ ഷോര്‍ട്ട് ഫിലിമായി തിരഞ്ഞെടുത്തു. ഇന്ത്യയിൽ നിന്നുള്ള ‘അനുജ’ അവസാന പട്ടികയിൽ ഇടംപിടിച്ചിരുന്നു. ഇതിനെ മറികടന്നാണ് ഐ ആം നോട്ട് എ റോബോട്ട് പുരസ്‌കാരം നേടിയത്. പ്രിയങ്ക ചോപ്ര ഗുനീത് മോങ്ക എന്നിവര്‍ ചേര്‍ന്നാണ് ചിത്രം നിര്‍മിച്ചിരിക്കുന്നത്.ആടുജീവിതം, കങ്കുവ, ഓള്‍ വി ഇമാജിന്‍ അസ് ലൈറ്റ് എന്നീ ചിത്രങ്ങൾ ആദ്യഘട്ട പട്ടികയിലുണ്ടായിരുന്നു. പിന്നീട് ഈ ചിത്രങ്ങള്‍ പുറത്താവുകയായിരുന്നു. ആദം ജെ. ഗ്രേവ്സ് ആണ് അനുജ സംവിധാനം ചെയ്തിരിക്കുന്നത്. ഡൽഹിയിലെ ഒരു വസ്ത്രനിര്‍മാണ ഫാക്ടറിയിൽ ജോലി ചെയ്യുന്ന അനുജ എന്ന പെൺകുട്ടിയുടെ കഥയാണ് അനുജ പറയുന്നത്. സജ്ദ പത്താനാണ് ടൈറ്റിൽ കഥാപാത്രത്തെ അവതരിപ്പിച്ചിരിക്കുന്നത്.
