അബുദാബി ബിഗ് ടിക്കറ്റിലൂടെ മലയാളിക്ക് കൈവന്നത് വമ്പൻ ഭാഗ്യം…

അബുദാബി ബിഗ് ടിക്കറ്റിലൂടെ സ്വപ്ന സമ്മാനം നേടി പ്രവാസി മലയാളി. ഖത്തറില്‍ ജോലി ചെയ്യുന്ന മജ്ഞു അജിത കുമാറാണ് ബിഗ് ടിക്കറ്റിന്‍റെ ഏറ്റവും പുതിയ പ്രതിവാര ഇ-നറുക്കെടുപ്പിലൂടെ 10 ലക്ഷം ദിര്‍ഹം (രണ്ട് കോടിയിലേറെ ഇന്ത്യൻ രൂപ) സമ്മാനം നേടിയത്. 53കാരനായ അജിത കുമാറിന് ആദ്യം സമ്മാനവിവരം വിശ്വസിക്കാനായില്ല. സമ്മാനം നേടിയെന്ന് അറിയിക്കുന്നതിനായി ബിഗ് ടിക്കറ്റ് പ്രതിനിധികൾ അജിത് കുമാറിനെ ഫോൺ വിളിച്ചപ്പോൾ ആദ്യം ഏതെങ്കിലും തട്ടിപ്പ് കോൾ ആയിരിക്കുമെന്ന് കരുതി ഇദ്ദേഹം വിശ്വസിച്ചില്ല. പിന്നീട് ബിഗ് ടിക്കറ്റിന്‍റെ ഔദ്യോഗിക വെബ്സൈറ്റ് പരിശോധിച്ചപ്പോഴാണ് വിവരം ശരിയാണെന്ന് മനസ്സിലായത്. താനൊരു കോടീശ്വരനായെന്ന് അപ്പോഴാണ് അജിത കുമാര്‍ മനസ്സിലാക്കിയത്. ഇപ്പോഴും തനിക്ക് സമ്മാനം ലഭിച്ചെന്ന് വിശ്വസിക്കാനാവുന്നില്ലെന്ന് അദ്ദേഹം പ്രതികരിച്ചു.