ദന ചുഴലിക്കാറ്റ്…152 ട്രെയിനുകള് റദ്ദാക്കി…അതിതീവ്ര മഴക്ക് സാധ്യത..
ദന ചുഴലിക്കാറ്റിനെ തുടര്ന്ന് പശ്ചിമ ബംഗാളിലെ ഏഴ് ജില്ലകളില് ജാഗ്രതാ നിര്ദേശം. ചുഴലിക്കാറ്റിന്റെ പശ്ചാത്തലത്തിൽ 152 ട്രെയിനുകളാണ് റദ്ദാക്കിയത്. കേരളത്തിലേക്കും കന്യാകുമാരിയിലേക്കുമുള്ള ട്രെയിനുകളും റദ്ദാക്കിയിട്ടുണ്ട്. 24നുള്ള പാട്ന-എറണാകുളം എക്സ്പ്രസ് (22644), 23നുള്ള ദിബ്രൂഗഡ്-കന്യാകുമാരി (22504) തുടങ്ങിയ ട്രെയിനുകള് ഉള്പ്പെടെയാണ് റദ്ദാക്കിയത്. ചുഴലിക്കാറ്റിനെ തുടര്ന്ന് ബംഗാളിലെ ഏഴ് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് ഒക്ടോബര് 23 മുതല് ഒക്ടോബര് 26 വരെ അവധി പ്രഖ്യാപിച്ചു. ബംഗാളിലെ കിഴക്കന് മിഡ്നാപൂര്, നോര്ത്ത് സൗത്ത് 24 പര്ഗാനകളെയും ചുഴലിക്കാറ്റ് കാര്യമായി ബാധിക്കും.
