ലൈംഗിക പീഡനക്കേസ്…. ആലപ്പുഴയിൽ നൃത്താധ്യാപകൻ അറസ്റ്റിൽ
ആലപ്പുഴ: പീഡനക്കേസിൽ നൃത്താധ്യാപകൻ അറസ്റ്റിൽ. പുന്നപ്ര തെക്ക് പഞ്ചായത്ത് മൂന്നാം വാർഡ് അറവുകാട് ശ്രീ മംഗലം വീട്ടിൽ അനന്തൻ എസ് മധു (29)വിനെയാണ് പൊലീസ് അറസ്റ്റ് ചെയ്തത്. ഇയാൾ ഡാൻസ് അക്കാദമിയിൽ നൃത്തം അഭ്യസിക്കാനെത്തിയ പ്രായപൂർത്തിയാകാത്ത പെൺകുട്ടികളെയാണ് ലൈംഗിക പീഡനത്തിനിരയാക്കിയത്. ഒരു മാസം മുമ്പ് നടന്ന സംഭവത്തിൽ കുട്ടികളുടെ ബന്ധുക്കൾ പുന്നപ്ര പൊലീസിൽ പരാതി നൽകിയിരുന്നെങ്കിലും ഇയാൾ ബാംഗ്ലൂർ അടക്കം പല സ്ഥലങ്ങളിലും ഒളിവിലായിരുന്നു. പിടികൂടിയ പ്രതിയെ പിന്നീട് കോടതിയിൽ ഹാജരാക്കി.
