പി എ മുഹമ്മദ് റിയാസും വീണയും നേരിട്ട് ഹാജരാകണമെന്ന് കോടതി…..
തിരുവനന്തപുരം: നാമനിര്ദേശ പത്രികയില് വിവരങ്ങള് മറച്ചുവെച്ചെന്ന് പരാതിയിൽ ബേപ്പൂര് എംഎല്എ പി എ മുഹമ്മദ് റിയാസും ഭാര്യ വീണയും നേരിട്ട് ഹാജരായി വിശദീകരണം നല്കണമെന്ന് കോടതി. തിരുവനന്തപുരം ജില്ലാ പ്രിന്സിപ്പല് സെഷന്സ് കോടതിയുടേതാണ് ഉത്തരവ്. അഭിഭാഷകനായ നെയ്യാറ്റിന്കര നാഗരാജു നല്കിയ ഹര്ജിയിലാണ് കോടതിയുടെ നടപടി.
ബേപ്പൂര് നിയോജക മണ്ഡലത്തില് മത്സരിച്ച മുഹമ്മദ് റിയാസ് നാമനിര്ദേശ പത്രികയില് വിവരങ്ങള് മറച്ചുവെച്ചുവെന്നാണ് പരാതി. ഭാര്യയ്ക്ക് ഏതെങ്കിലും കമ്പനികളുമായി കരാറോ, മറ്റ് ബസിനസ് ബന്ധങ്ങളോ ഉണ്ടോയെന്ന ചോദ്യത്തിന് വ്യക്തമായ മറുപടി നല്കിയില്ലെന്നാണ് ഹര്ജിയിലെ ആരോപണം. വീണ നികുതി ഒടുക്കിയതിന്റെ കണക്കും കാണിച്ചിട്ടില്ല.
