ജീവനക്കാരോട് സ്വയം പിരിഞ്ഞുപോകാൻ ആവശ്യപ്പെട്ട് മൈക്രോസോഫ്റ്റ്….

ആർട്ടിഫിഷ്യൽ ഇന്റലിജൻസ് അഥവാ നിർമിതബുദ്ധി തൊഴിൽ മേഖലയുടെ സ്വഭാവം മാറ്റുന്നതിനിടെ ജീവനക്കാർക്ക് സ്വയം പിരിഞ്ഞുപോകാനുള്ള അവസരമൊരുക്കി മൈക്രോസോഫ്റ്റ്. ഏകദേശം 60,000 ജീവനക്കാർക്കാണ് കമ്പനി സ്വമേധയാ വിരമിക്കൽ പാക്കേജ് വാഗ്ദാനം ചെയ്യുന്നത്. ഇതിന് പിന്നിലെ കാരണം വ്യക്തമാക്കി മൈക്രോസോഫ്റ്റ് സി.ഇ.ഒ സത്യ നാദെല്ല രംഗത്തെത്തി. ജീവനക്കാർക്ക് സ്വന്തം കരിയറിനെക്കുറിച്ച് കൂടുതൽ നിയന്ത്രണം നൽകുകയാണ് പദ്ധതിയുടെ ലക്ഷ്യമെന്നാണ് അദ്ദേഹത്തിന്റെ വിശദീകരണം.
നിർമിതബുദ്ധിയുടെ വളർച്ച മൈക്രോസോഫ്റ്റിലെ ടീമുകളുടെ പ്രവർത്തനരീതിയിലും തൊഴിൽ സ്വഭാവത്തിലും മാറ്റങ്ങളുണ്ടാക്കുന്നുണ്ട്. വരും വർഷങ്ങളിൽ കമ്പനിയിൽ നിരവധി തൊഴിലവസരങ്ങൾ ഉണ്ടാകുമെങ്കിലും ജോലിയുടെ സ്വഭാവവും ടീമുകളുടെ പ്രവർത്തനരീതിയും വ്യത്യസ്തമായിരിക്കുമെന്ന് നാദെല്ല പറഞ്ഞു.




