IPS തലപ്പത്തെ അഴിച്ചുപണിയിൽ അതൃപ്തി പരസ്യം…
തിരുവനന്തപുരം: ഐപിഎസ് തലപ്പത്തെ അഴിച്ചുപണിയില് അതൃപ്തി പരസ്യം. നിലവിലെ സ്ഥലംമാറ്റത്തില് അസൗകര്യം അറിയിച്ച് രണ്ട് ഉദ്യോഗസ്ഥര് സര്ക്കാരിനെ സമിപിച്ചു. വീണ്ടും മാറ്റം വേണമെന്നാണ് ആവശ്യം. കണ്ണൂര് റേഞ്ച് ഡിഐജിയായി പോകാനാവില്ലെന്ന് ടി നാരായണനും തൃശ്ശൂര് റേഞ്ച് ഡിഐജിയായി പോകാനാവില്ലെന്ന് കെ കാര്ത്തികും അറിയിച്ചു. തൃശ്ശൂര് റേഞ്ച് ഡിഐജിയില് നിന്നാണ് കണ്ണൂര് റേഞ്ച് ഡിഐജിയായി ടി നാരായണനെ മാറ്റിയത്. നേരത്തെ തിരുവനന്തപുരം സിറ്റി പൊലീസ് കമ്മീഷണര് ആയിരുന്നു കെ കാര്ത്തിക്. ഇവിടെ നിന്നും തൃശ്ശൂര് റേഞ്ച് ഡിഐജിയായി സ്ഥലം മാറ്റുകയായിരുന്നു.
ഡിജിപി നല്കിയ പട്ടികയിലെ പല ഉദ്യോഗസ്ഥര്ക്കും നിയമനമില്ലെന്ന ആക്ഷേപവും ഉയര്ന്നു. സ്ഥലംമാറ്റം പൊലീസ് ആസ്ഥാനം അറിയാതെയാണെന്ന ആരോപണം ശക്തമാണ്. ഉദ്യോഗസ്ഥരുടെ പരാതികള് പരിഗണിക്കാനാണ് ആഭ്യന്തര വകുപ്പിന്റെ തീരുമാനമെന്നും ആക്ഷേപമുണ്ട്. മറ്റുജില്ലാ പൊലീസ് മേധാവിമാര്ക്കും മാറ്റമുണ്ടാകും.
