CMRL-എക്സാലോജിക് കേസ്….കൂടുതല് CMRL ഉദ്യോഗസ്ഥര്ക്ക് ഇ ഡി സമന്സ്….
തിരുവനന്തപുരം: സിഎംആര്എല്-എക്സാലോജിക്ക് സാമ്പത്തിക ഇടപാട് കേസില് നടപടി കടുപ്പിച്ച് എന്ഫോഴ്സ്മെന്റ് ഡയറക്ടറേറ്റ്. കൂടുതല് സിഎംആര്എല് ജീവനക്കാരെ ചോദ്യം ചെയ്യാനാണ് തീരുമാനം. ചോദ്യം ചെയ്യലിന് ഹാജരാകണം എന്നാവശ്യപ്പെട്ട് സിഎംആര്എല് ജീവനക്കാര്ക്ക് സമന്സ് നല്കി. ജീവനക്കാരും ഓഡിറ്റര്മാരും അടക്കം ഏഴോളം പേര്ക്കാണ് സമന്സ് അയച്ചിരിക്കുന്നത്. കൂടുതല് തെളിവ് ശേഖരണത്തിന് ശേഷം വീണയെ വീണ്ടും ചോദ്യം ചെയ്യാനും തീരുമാനമുണ്ട്. കേസില് ആദ്യഘട്ട കുറ്റപത്രം ഉടന് സമര്പ്പിക്കുമെന്നാണ് വിവരം.
