പെണ്കുട്ടികളുടെ ചിത്രങ്ങള് മോര്ഫ് ചെയ്ത് പ്രചരിപ്പിച്ച കേസ്….വ്യാപക പ്രതിഷേധം….
ജില്ലയിലെ വിവിധ ക്യാമ്പസുകളില് പഠിക്കുന്ന പെണ്കുട്ടികളുടെ ചിത്രങ്ങള് വ്യാജമായി മോര്ഫ് ചെയ്ത് സോഷ്യല് മീഡിയ പ്ലാറ്റ്ഫോമുകളിലൂടെ പ്രചരിപ്പിക്കുന്ന സൈബര് ആക്രമണത്തിനെതിരെ വ്യാപക പ്രതിഷേധവും പരാതിയും. സംഭവത്തില് ഉള്പ്പെട്ട കുറ്റവാളികളെ ഉടനടി കണ്ടെത്തണമെന്ന് ആവശ്യപ്പെട്ട് ജില്ലാ പോലീസ് മേധാവിക്ക് വിദ്യാര്ത്ഥി പ്രതിനിധികള് ഔദ്യോഗികമായി പരാതി നല്കി. വിദ്യാര്ത്ഥിനികളുടെ അന്തസ്സിനെയും വ്യക്തിത്വത്തെയും ഹനിക്കുന്നതിനോടൊപ്പം കടുത്ത മാനസിക സംഘര്ഷത്തിലേക്ക് തള്ളിവിടുന്നതുമായ ഇത്തരം കുറ്റകൃത്യങ്ങളില് ഏര്പ്പെടുന്നവരെ എത്രയും വേഗം നിയമത്തിന് മുന്നില് കൊണ്ടുവരണമെന്നാണ് പ്രധാന ആവശ്യം.
