ബിജെപി കൗൺസിലർമാരുടെ ദേശീയഗീത ആലാപനം തടസ്സപ്പെടുത്തിയെന്ന പരാതിയുമായി ബിജെപി
തൃശൂർ തൃശൂർ കോർപ്പറേഷനിലെ ബിജെപി കൗൺസിലർമാരുടെ ദേശീയഗീത ആലാപനം തടസ്സപ്പെടുത്തിയെന്ന പരാതിയുമായി ബിജെപി. തൃശൂർ സിറ്റി പൊലീസ് കമ്മീഷണർക്കാണ് ബിജെപിയുടെ പരാതി നൽകിയത്. കോർപ്പറേഷൻ മേയർ, ഡെപ്യൂട്ടി മേയർ അടക്കമുള്ളവർ ദേശീയ ഗീതത്തോട് അനാദരവ് കാണിച്ചുവെന്നും ആലാപനത്തിന് തടസ്സം സൃഷ്ടിച്ചുവെന്നും പരാതിയിൽ പറയുന്നു. ബിജെപി കൗൺസിലർമാർ വന്ദേമാതരം പാടുമ്പോൾ ഇവർ ചടങ്ങിൽ നിന്ന് പിന്മാറി എന്നും പിറകിൽ മൈക്കിൽ സംസാരിച്ചു എന്നും പരാതിയിൽ പറയുന്നു.
