മദ്യപിച്ചെത്തിയ ജ്യേഷ്ഠൻ്റെ ആക്രമണത്തിൽ സഹോദരൻ കൊല്ലപ്പെട്ടു,….

പാലക്കാട് പിരായിരിയിൽ മദ്യപിച്ചെത്തിയ ജ്യേഷ്ഠൻ്റെ ആക്രമണത്തിൽ സഹോദരൻ കൊല്ലപ്പെട്ടു. കല്ലേക്കാട് സ്വദേശി രാജേന്ദ്രൻ (42) ആണ് കൊല്ലപ്പെട്ടത്. സഹോദരൻ ശെൽവനെ (53) നോർത്ത് പോലീസ് കസ്റ്റഡിയിലെടുത്തു.മദ്യപിച്ചെത്തിയ ശെൽവൻ അയൽവാസിയും സഹോദരനുമായ രാജേന്ദ്രൻ താമസിക്കുന്ന വീട്ടിലെത്തി ബഹളംവച്ചു. ഇത് രാജേന്ദ്രൻ ചോദ്യം ചെയ്തതിനുള്ള വിരോധം കാരണം വീട്ടിൽ പോയി കത്തി എടുത്തു കൊണ്ടുവന്ന് രാജേന്ദ്രനെ ആക്രമിക്കുകയായിരുന്നു.