അജണ്ട അറിയിക്കാതെ ഡിഎംകെ എംപിമാരുടെ അടിയന്തര യോഗം

എസ്ഐആറിനെതിരെ പ്രതിഷേധം ശക്തമായിരിക്കെ, ഡിഎംകെ എംപിമാരുടെ അടിയന്തര യോഗം വിളിച്ച് എം കെ സ്റ്റാലിൻ. ചെന്നൈയിലെ ഡിഎംകെ ആസ്ഥാനത്ത് ഇന്ന് രാവിലേ 11 മണിക്കാണ് യോഗം. യോഗത്തിന്റെ അജണ്ട വ്യക്തമാക്കാതെയാണ് പാർട്ടി ജനറൽ സെക്രട്ടറി ദുരൈമുരുകന്റെ അറിയിപ്പ്. മണ്ഡല പുനർ നിർണയ ബില്ലിൽ ഡിഎംകെയുമായി കേന്ദ്രസർക്കാർ ധാരണയിൽ എത്തിയെന്ന അഭ്യൂഹങ്ങൾക്കിടെ ആണ് യോഗം. ഗ്യാനേഷ് കുമറിന്റെ രാജി ആവശ്യം, കോൺഗ്രസ്‌ ഇതര പാർട്ടികളുടെ മുന്നണി രൂപീകരണ സാധ്യത എന്നിവയും യോഗത്തിൽ ചർച്ചയായേക്കും. സിജെപി നേതാക്കളെ പിന്തുണച്ചുള്ള സമീപനം ആണ് സ്റ്റാലിൻ ഈ ദിവസങ്ങളിൽ സ്വീകരിക്കുന്നത്.