പൊലീസ് സ്റ്റേഷനില് നിന്ന് നിരോധിത പുകയില ഉത്പന്നങ്ങൾ മോഷ്ടിച്ച സംഭവം.. പൊലീസുകാരന് പങ്ക്…
സുല്ത്താന് ബത്തേരി സ്റ്റേഷനില് നിന്ന് നിരോധിത പുകയില ഉത്പന്നങ്ങൾ മോഷ്ടിച്ചത് പൊലീസുകാരന് തന്നെയെന്ന് സൂചന. തൊണ്ടിമുതലായ 7 ചാക്ക് നിരോധിത പുകയിലയാണ് മോഷ്ടിച്ചത്. സ്റ്റേഷനില് നിന്ന് ലഹരിവസ്തുക്കള് കാറില് കടത്തിയ നിര്ണായക സിസിടിവി ദൃശ്യങ്ങള് പൊലീസിന് ലഭിച്ചു. മോഷ്ടിച്ച പുകയില വസ്തുക്കള് ലഹരി കടത്തുകാര്ക്ക് വില്പ്പന നടത്തിയെന്നും സംശയിക്കുന്നു. തൊണ്ടിമുതല് കടത്താന് മറ്റാരുടെയെങ്കിലും സഹായം ലഭിച്ചിട്ടുണ്ടോയെന്ന് പരിശോധിക്കുമെന്ന് പൊലീസ് അറിയിച്ചു
