തിരുവല്ല ഈസ്റ്റ് കോ ഓപ്പറേറ്റീവ് ബാങ്ക് ഭരണസമിതി പിരിച്ചുവിട്ടു…..സിപിഐഎം പറയുന്നത്….
പത്തനംതിട്ട: പത്തനംതിട്ട തിരുവല്ലയിലെ ഈസ്റ്റ് കോ ഓപ്പറേറ്റീവ് ബാങ്ക് ഭരണസമിതി പിരിച്ചുവിട്ടു. സഹകരണ വകുപ്പ് ജോയിന്റ് രജിസ്ട്രാറാണ് ഭരണസമിതി പിരിച്ചുവിട്ടത്. പിന്നാലെ പൊലീസിന്റെ അകമ്പടിയോടെ എത്തിയ പ്ലാനിങ് അസിസ്റ്റന്റ് രജിസ്ട്രാര് അധികാരം ഏറ്റെടുത്തു. നിലവിലുള്ള മാനേജിംഗ് ഡയറക്ടറെയും പിരിച്ചുവിട്ടിട്ടുണ്ട്.
റിസര്വ് ബാങ്ക് നിയന്ത്രണത്തിലുള്ള അര്ബന് കോ-ഓപ്പറേറ്റീവ് ബാങ്ക് ആണ് തിരുവല്ല ഈസ്റ്റ് കോ-ഓപ്പറേറ്റീവ് ബാങ്ക്. ബാങ്കിന്റെ പഴയ കെട്ടിടം നവീകരിച്ചതില് അഴിമതി ഉണ്ടെന്ന ആരോപണം ഉയര്ന്നിരുന്നു. ഇതിനെ തുടര്ന്നുള്ള പരാതിയില് അന്വേഷണ ഉദ്യോഗസ്ഥന് ബാങ്കിനോട് രേഖകള് ആവശ്യപ്പെട്ടിരുന്നു. എന്നാല് രേഖകള് ബാങ്ക് നല്കിയില്ലെന്നാണ് ജോയിന്റ് രജിസ്ട്രാര്ക്ക് റിപ്പോര്ട്ട് ലഭിച്ചിരുന്നത്.
