പുരുഷന്മാർക്ക് വയറും മാറും വളരുന്നത് രൂപ വൈകൃതം.. അപ്പോൾ..

പുലിക്കളിക്കെതിരെ രൂക്ഷ വിമർശനവുമായി നടൻ വി.കെ. ശ്രീരാമൻ. പുരുഷന്മാർക്ക് മാറും വയറും വളരുന്നത് രൂപ വൈകൃതമാണെന്നും, ആ വൈകൃതം കലയ്ക്കുവേണ്ടി ഉപയോഗിക്കുന്നത് ആഭാസമാണെന്നുമായിരുന്നു ശ്രീരാമന്റെ പരാമർശം. കണ്ടാൽ ഓക്കാനം വരുന്ന ഇത്തരം കലാ വൈകൃതം ലോകത്ത് ഒരിടത്തുമില്ലെന്നും, നാട്യശാസ്ത്രത്തിൽ ഇതിനെ ‘ശാർദൂലവിക്രീഡിതം’ എന്നാണ് പറയുന്നതെന്നും അദ്ദേഹം പരിഹസിച്ചിരുന്നു.

അതേസമയം, വികെ ശ്രീരാമനെതിരെ പ്രതിഷേധവുമായി പുലിക്കളി സംഘങ്ങൾ രം​ഗത്തെത്തി. ശ്രീരാമൻ നടത്തിയത് ബോഡി ഷേമിങ് ആണെന്ന് അയ്യന്തോൾ പുലിക്കളി ദേശം പ്രതികരിച്ചു.