സന്നിധാനത്തും പമ്പയിലും നെയ്യ് പരിശോധനാ ലാബ്.. ദേവസ്വം ബോർഡിന്…
തിരുവനന്തപുരം: ശബരിമലയിൽ നെയ്യിന്റെ ഗുണനിലവാരം പരിശോധിക്കുന്നതിനായി സന്നിധാനത്തും പമ്പയിലും ആധുനിക ലാബുകൾ സജ്ജമാക്കണമെന്ന് ദേവസ്വം മന്ത്രി കെ മുരളീധരൻ. ഇതുസംബന്ധിച്ച് തിരുവിതാംകൂർ ദേവസ്വം ബോർഡിന് മന്ത്രി കത്ത് നൽകി. നിലവിലുള്ള ആശുപത്രികളിൽ ഫോറൻസിക് മെഡിസിൻ വിഭാഗം, ആരോഗ്യവകുപ്പ്, ഭക്ഷ്യസുരക്ഷാ വകുപ്പ് എന്നിവയുടെ സംയുക്താഭിമുഖ്യത്തിൽ ആധുനിക സൗകര്യങ്ങളോടെയുള്ള ലാബ് സ്ഥാപിക്കണമെന്നാണ് നിർദേശം.
ഭക്തർ നേർച്ചയായി സമർപ്പിക്കുന്ന നെയ്യ് അപ്പം, അരവണ എന്നിവയുടെ നിർമാണത്തിന് ഉപയോഗിക്കുന്നതിന് മുമ്പ് ഗുണനിലവാരം പരിശോധിക്കേണ്ടത് അത്യാവശ്യമാണെന്ന് മന്ത്രി കത്തിൽ ചൂണ്ടിക്കാട്ടി. വരാനിരിക്കുന്ന മണ്ഡല-മകരവിളക്ക് സീസണിന് മുമ്പായി ലാബ് പ്രവർത്തനസജ്ജമാക്കണം. ഇതിനാവശ്യമായ അടിസ്ഥാന സൗകര്യങ്ങൾ ഒരുക്കുന്നതിനും ഉപകരണങ്ങൾ സ്ഥാപിക്കുന്നതിനുമുള്ള നടപടികൾ അടിയന്തരമായി സ്വീകരിക്കണമെന്നും മന്ത്രി നിർദേശിച്ചു. ലാബ് സ്ഥാപിക്കുന്നതിനാവശ്യമായ ഉപകരണങ്ങൾ വാങ്ങാൻ ആവശ്യമായ തുക വകയിരുത്തണം. അടിസ്ഥാന സൗകര്യങ്ങൾ അടിയന്തരമായി ഒരുക്കുന്നതിനും ബന്ധപ്പെട്ട വകുപ്പുകൾക്ക് ആവശ്യമായ സഹകരണം നൽകുന്നതിനും തിരുവിതാംകൂർ ദേവസ്വം ബോർഡ് നടപടി സ്വീകരിക്കണമെന്നും കത്തിൽ ആവശ്യപ്പെട്ടിട്ടുണ്ട്.
