പയ്യന്നൂർ തോൽവിയിൽ ശാസ്ത്രീയ പരിശോധനയുമായി സിപിഎം

പയ്യന്നൂർ ഏരിയ കമ്മിറ്റി തിരഞ്ഞെടുപ്പ് അവലോകന യോഗത്തിൽ തന്നെ ചില പാർട്ടി നേതാക്കൾ വോട്ട് ചോർത്തിയെന്ന ഗുരുതര ആരോപണം ഉയർന്നിരുന്നു. ഇതിനെ തുടർന്നാണ് ജില്ലാ സെക്രട്ടേറിയറ്റ് അംഗങ്ങളായ പി. ഹരീന്ദ്രനും പി. വി. ഗോപിനാഥും ഉൾപ്പെട്ട അന്വേഷണ കമ്മിഷനെ നിയോഗിച്ചതെന്നാണ് വിവരം.

ഏരിയ കമ്മിറ്റി അംഗങ്ങൾ, പയ്യന്നൂരിൽ നിന്നുള്ള ജില്ലാ കമ്മിറ്റി അംഗങ്ങൾ, പ്രായപരിധി കാരണം ജില്ലാ കമ്മിറ്റിയിൽ നിന്ന് ഒഴിവാക്കപ്പെട്ട മുൻ നേതാക്കൾ എന്നിവരോട് തിരഞ്ഞെടുപ്പ് കാലത്തെ ഫോൺ കോൾ ലിസ്റ്റുകൾ സമർപ്പിക്കാൻ ആവശ്യപ്പെട്ടിട്ടുണ്ട്. മുൻ എംഎൽഎ സി. കൃഷ്ണൻ, ഏരിയ സെക്രട്ടറി പി. സന്തോഷ് എന്നിവർ ഉൾപ്പെടെയുള്ളവരും പട്ടികയിലുണ്ടെന്നാണ് റിപ്പോർട്ട്.