വയനാട് മണ്ണിടിച്ചില്…കരാര് കമ്പനിയെ കുറ്റപ്പെടുത്തി സര്ക്കാര് ഹൈക്കോടതിയില്….
കൊച്ചി: കള്ളാടി മണ്ണിടിച്ചില് അപകടത്തില് കരാര് കമ്പനിയെ കുറ്റപ്പെടുത്തി സര്ക്കാര് ഹൈക്കോടതിയില്. ഖനനം ചെയ്ത മണ്ണും അവശിഷ്ടങ്ങളും നീക്കം ചെയ്യണമെന്ന് കമ്പനിക്ക് നേരത്തെ നിര്ദേശം നല്കിയിരുന്നുവെന്ന് സര്ക്കാര് കോടതിയില് വ്യക്തമാക്കി. മെയ് 26നും ജൂണ് നാലിനുമാണ് ദുരന്ത നിവാരണ അതോറിറ്റി നിര്ദേശം നല്കിയത്.
നിര്മ്മാണ അവശിഷ്ടങ്ങള് ജനങ്ങള്ക്ക് ഭീഷണിയാകരുതെന്നും ആവശ്യമെങ്കില് തൊഴിലാളികളെയും പൊതുജനങ്ങളെയും ഒഴിപ്പിക്കണം എന്നും നിര്ദേശിച്ചിരുന്നു. സുരക്ഷ ഉറപ്പാക്കണമെന്ന് അപകടത്തിന് തലേദിവസവും ആവശ്യപ്പെട്ടിരുന്നു. കാങ്കണ് റെയില്വേയോടും കരാര് കമ്പനിയോടുമാണ് ഇക്കാര്യങ്ങള് ആവശ്യപ്പെട്ടത് എന്നും ദുരന്ത നിവാരണ അതോറിറ്റി ഹൈക്കോടതിയെ അറിയിച്ചു.
