‘KSRTC ബസിൻ്റെ ചില്ല് തകർത്തത് എൻ്റെ ഭാര്യയല്ല…. വ്യാജ പ്രചാരണം നടത്തുന്നു…നിയമനടപടിയെടക്കുമെന്ന് വി വസീഫ്…
സ്റ്റോപ്പില്ലാത്തിടത്ത് നിര്ത്തണമെന്ന ആവശ്യം ഡ്രൈവര് നിരാകരിച്ചതോടെ കെഎസ്ആര്ടിസി ബസിന്റെ ചില്ല് അടിച്ച് പൊട്ടിച്ച യുവതി തന്റെ ഭാര്യയാണെന്ന വ്യാജ പ്രചാരണത്തിനെതിരെ ഡിവൈഎഫ്ഐ സംസ്ഥാന പ്രസിഡന്റ് വി വസീഫ്. കെഎസ്ആർടിസി ബസിൻ്റെ ചില്ല് തകർത്തത് എൻ്റെ ഭാര്യയല്ല. ചാനലുകളുടെ വ്യാജ കാർഡിറക്കി പ്രചാരണം നടത്തുന്നു. കോൺഗ്രസ്, ലീഗ് ഹാൻഡിലുകൾ വ്യാജ പ്രചാരണം നടത്തുന്നു. നിയമനടപടിയെടക്കുമെന്ന് വസീഫ് വ്യക്തമാക്കി.
നുണകള് കൊണ്ട് പൊതുബോധം സൃഷ്ടിക്കുന്ന യുഡിഎഫ്-ബിജെപി തന്ത്രങ്ങള് തുടരുകയാണെന്നും ചാനലുകളുടെ വ്യാജ കാര്ഡുകള് വെച്ച് ലീഗും ബിജെപിയും ഒരുപോലെ വ്യാപകമായി നുണ പ്രചരിപ്പിക്കുകയാണെന്നും വസീഫ് ആരോപിച്ചു.കേരളത്തില് കുറച്ചു കാലമായി ഇടത് സഖാക്കളെയും കുടുംബാംഗങ്ങളെയും ആക്ഷേപിക്കുകയും അപമാനിക്കുകയും ചെയ്യുന്ന വലതുപക്ഷ കൂട്ടായ്മ നീചമായ രാഷ്ട്രീയ വേട്ടയ്ക്ക് ഇരയാക്കി കൊണ്ടിരിക്കുകയാണ്. ഇതു പോലുള്ള അധമ വൃത്തികള്ക്ക് മുമ്പില് തോല്ക്കുന്നവരല്ല തങ്ങളെന്നും ഭയലേശമില്ലാതെ രാഷ്ട്രീയ പോരാട്ടം തുടരുമെന്നും അദ്ദേഹം കൂട്ടിച്ചേര്ത്തു.
