‘ഇനിയൊരു നിതിന് രാജോ രോഹിത് വെമുലയോ സിദ്ധാര്ഥനോ ഉണ്ടാകാന് പാടില്ല…അവസാനം വരെ ഈ അച്ഛന് നിതിനുവേണ്ടി ഇറങ്ങും’…നിതിന് രാജിന്റെ പിതാവ്
കണ്ണൂര് അഞ്ചരക്കണ്ടി ഡെന്റല് കോളജിലെ ബിഡിഎസ് വിദ്യാര്ത്ഥി നിതിന് രാജിന്റെ മരണത്തില്, കമ്മീഷണറെ കണ്ട് കുടുംബം. ലോണ് ആപ്പുകാര് ഭീഷണിപ്പെടുത്തിയപ്പോള് അധ്യാപകര് നിതിനെ കൂട്ടം ചേര്ന്ന് വിചാരണ ചെയ്തെന്ന് പിതാവ് രാജന് പറഞ്ഞു. നിതിന്റെ മരണത്തില് പ്രിന്സിപ്പലിനെയും പ്രതി ചേര്ക്കണമെന്നും ആവശ്യപ്പെട്ടു.
അവസാനം വരെ താന് നിതിന് രാജിന് വേണ്ടി പോരാടുമെന്ന് പിതാവ് പറഞ്ഞു. ഇനിയൊരു നിതിന് രാജോ രോഹിത് വെമുലയോ സിദ്ധാര്ത്ഥനോ കേരളത്തില് ഉണ്ടാകാന് പാടില്ല. ഇപ്പോഴത്തെ അന്വേഷണത്തില് തൃപ്തിയുണ്ടെങ്കിലും റാമിനെയും സംഗീതയേയും ഇതുവരെ പിടിക്കാനായിട്ടില്ല. അതില് ഒരു വീഴ്ച വരാന് പാടില്ല. അവരെ നിയമത്തിന് മുന്നില് കൊണ്ടുവരണം – അദ്ദേഹം പറഞ്ഞു.
