കുറ്റ്യാടിയിലെ ഇടത് സ്ഥാനാര്ത്ഥിക്ക് നേരെ കയ്യേറ്റ ശ്രമമെന്ന് പരാതി
തെരഞ്ഞെടുപ്പ് പ്രചാരണത്തിനിടെ കോഴിക്കോട് കുറ്റ്യാടിയിലെ ഇടത് സ്ഥാനാര്ത്ഥിക്ക് നേരെ കയ്യേറ്റ ശ്രമമെന്ന് പരാതി. മണിയൂര് തെരു ക്ഷേത്ര ഉത്സവത്തിനിടെ വോട്ടര്മാരെ കാണാനെത്തിയ കെപി കുഞ്ഞമ്മദ് കുട്ടി എംഎല്എയെ ഒരാള് കയ്യേറ്റം ചെയ്യാന് ശ്രമിച്ചെന്നാണ് പരാതി. എംഎല്എ യുടെ പരാതിയില് മണിയൂര് സ്വദേശി ദിനേശന് എന്നയാള്ക്കെതിരെ പയ്യോളി പൊലീസ് കേസെടുത്തു. സാമൂഹ്യ ദ്രോഹിയാണ് കയ്യേറ്റശ്രമം നടത്തിയതെന്നും പിന്നില് യുഡിഎഫ് ആണെന്ന് സംശയിക്കുന്നെന്നും കെപി കുഞ്ഞമ്മദ് എംഎല്എ ആരോപിച്ചു.
