മലയാളം ഇനി ഭരണഭാഷ; സുപ്രധാന നിര്ദ്ദേശങ്ങളടങ്ങിയ മലയാള ഭാഷാ ബില്ലിൽ ഒപ്പിട്ട് ഗവര്ണര്
മലയാളം ഇനി ഭരണഭാഷ. മലയാള ഭാഷ നിര്ബന്ധമാക്കുന്ന സുപ്രധാന നിര്ദേശങ്ങളടങ്ങിയ മലയാള ഭാഷ ബില്ലിൽ ഗവര്ണര് രാജേന്ദ്ര ആര്ലേക്കര് ഒപ്പിട്ടു. ഗവര്ണര് അംഗീകാരം നൽകിയതോടെ നിയമം വൈകാതെ പ്രാബല്യത്തിലാകും. മലയാള ഭാഷാ ബില് പാസാക്കണമെന്ന് സാംസ്കാരിക നായകര് പ്രധാനമന്ത്രിയോട് ആവശ്യപ്പെട്ടിരുന്നു. നേരത്തെ യുഡിഎഫ് സർക്കാർ പാസാക്കിയ ബില്ലിന് രാഷ്ട്രപതി അനുമതി നൽകിയിരുന്നില്ല. ഇതിനുപിന്നാലെയാണ് സംസ്ഥാന സര്ക്കാര് ബില്ലുമായി മുന്നോട്ടുപോയത്. സംസ്ഥാനത്ത് ഔദ്യോഗികഭാഷ മലയാളമാക്കാനും മലയാളം സാര്വത്രികമാക്കാനും നടത്തിയ വിപുലമായ ചര്ച്ചകള്ക്കുശേഷമാണ് ബില് തയ്യാറാക്കിയത്. മലയാള ഭാഷാ ബിൽ -2025നാണ് ഗവര്ണര് അംഗീകാരം നൽകിയത്.
