വാങ്ങുന്നെങ്കിൽ ഇന്നു വാങ്ങണം; കേരളത്തിൽ സ്വർണവില കുറഞ്ഞു

കേരളത്തിൽ ഇന്ന് സ്വർണവില കുറഞ്ഞു. പവന് 400 രൂപയുടെ കുറവാണ് ഇന്ന് രേഖപ്പെടുത്തിയത്. ഇതോടെ ഒരു പവൻ സ്വർണത്തിന് 95,440 രൂപയാണ് ഇന്നത്തെ വിപണിവില. ഒരു ഗ്രാം സ്വർണത്തിന് 11,930 രൂപയിലാണ് വ്യാപാരം നടക്കുന്നത്.

പണിക്കൂലി, ജിഎസ്‌ടി, ഹോൾ മാർക്കിംഗ് ഫീസ് എന്നിവകൂടി ചേർത്ത് ഒരു പവൻ സ്വർണം വാങ്ങാൻ ഇന്ന് ഒരുലക്ഷം രൂപയിലേറെ വേണം. അഞ്ച് ശതമാനമാണ് സ്വർണാഭരണത്തിന്റെ ഏറ്റവും കുറഞ്ഞ പണിക്കൂലി. മൂന്നു ശതമാനമാണ് ജിഎസ്ടി.