തദ്ദേശ തിരഞ്ഞെടുപ്പ്; എതിരില്ലാതെ ജയിച്ച് എൽഡിഎഫ് സ്ഥാനാര്ത്ഥികള്…
തദ്ദേശ തിരഞ്ഞെടുപ്പില് ആന്തൂർ നഗരസഭയിലെ രണ്ട് വാർഡുകളിലും മലപ്പട്ടം ഗ്രാമപഞ്ചായത്തിലെ രണ്ട് വാർഡിലും എൽഡിഎഫ് സ്ഥാനാർത്ഥികൾ എതിരില്ലാതെ ജയിച്ചു. ആന്തൂർ നഗരസഭയിലെ മൊറാഴ, പൊടിക്കുണ്ട് വാർഡുകളിലാണ് സിപിഎം സ്ഥാനാർത്ഥികൾ എതിരില്ലാതെ തിരഞ്ഞെടുക്കപ്പെട്ടത്. ഇവിടെ യുഡിഎഫ് ബിജെപി സ്ഥാനാർത്ഥികളോ സ്വതന്ത്ര സ്ഥാനാർത്ഥികളോ ഉണ്ടായിരുന്നില്ല. മൂന്ന് വാർഡുകളിൽ യുഡിഎഫിന് പത്രിക നൽകാനായില്ല. ഇതിൽ ഒരിടത്ത് ബിജെപി സ്ഥാനാർത്ഥി ഉള്ളതിനാൽ സിപിഎം സ്ഥാനാർത്ഥിക്ക് മത്സരിച്ച് ജയിക്കേണ്ടി വരും.
