ഉച്ചയ്ക്ക് ശേഷം തിരിച്ചിറങ്ങി സ്വർണവില; ഒറ്റയടിക്ക് കുറഞ്ഞത്..

ഒരിടവേളയ്ക്ക് ശേഷം ഇന്ന് കുതിച്ച് ഉയർന്ന് 92,000ന് മുകളിൽ എത്തിയ സ്വർണവിലയിൽ ഉച്ചയ്ക്ക് ശേഷം ഇടിവ്. രാവിലെ പവന് ഒറ്റയടിക്ക് 1800 രൂപ വർദ്ധിച്ചതോടെയാണ് സ്വർണവില 92,000 കടന്നത്. എന്നാൽ ഉച്ചയോടെ വില കുറയുകയായിരുന്നു. പവന് 320 രൂപയാണ് കുറഞ്ഞത്. 92,280 രൂപയാണ് പുതുക്കിയ സ്വർണവില. ഗ്രാമിന് ആനുപാതികമായി 40 രൂപയാണ് കുറഞ്ഞത്. 11,535 രൂപയാണ് ഒരു ഗ്രാം സ്വർണത്തിന്റെ വില.

ഈ മാസത്തിന്റെ തുടക്കത്തിൽ 90,200 രൂപയായിരുന്നു സ്വർണവില. അഞ്ചിന് 89,080 രൂപയായി താഴ്ന്നു. പിന്നീട് 89,000നും 90,000നും ഇടയിൽ ചാഞ്ചാടി നിൽക്കുകയായിരുന്നു സ്വർണവില. ഒക്ടോബർ 17ന് രേഖപ്പെടുത്തിയ 97,360 രൂപയാണ് സർവകാല റെക്കോർഡ്. തുടർന്നുള്ള ദിവസങ്ങളിൽ വില ഇടിഞ്ഞ് പവന് ഏകദേശം 9000 രൂപ കുറഞ്ഞ ശേഷമാണ് ഉയരാൻ തുടങ്ങിയത്. അന്താരാഷ്ട്ര വിപണിയിൽ സ്വർണവിലയിലെ ചലനങ്ങളാണ് ഇന്ത്യൻ വിപണിയിൽ പ്രതിഫലിക്കുന്നത്.