പോക്സോ അതിജീവിത വീണ്ടും പീഡനത്തിന് ഇരയായ സംഭവം….കൂടുതല് വിവരങ്ങള് പുറത്ത്….
കോഴിക്കോട് പോക്സോ കേസ് അതിജീവിത വീണ്ടും പീഡനത്തിന് ഇരയായ സംഭവത്തില് കൂടുതല് വിവരങ്ങള് പുറത്ത്. പെണ്കുട്ടിയെ ബീച്ചിന് സമീപത്തും ലോഡ്ജിലും എത്തിച്ച് പീഡനത്തിന് ഇരയാക്കി. പീഡിപ്പിച്ചവരില് ഒരാള് ഇന്സ്റ്റഗ്രാം വഴി പരിചയപ്പെട്ട ആളാണ് എന്നാണ് പെണ്കുട്ടിയുടെ മൊഴി. ചേവായൂര് പൊലീസ് രജിസ്റ്റര് ചെയ്ത കേസ് വെളളയില്, ടൗണ് പൊലീസ് സ്റ്റേഷനുകളിലേക്ക് കൈമാറും. പെണ്കുട്ടിയെ വീണ്ടും വെളളിമാടുകുന്നിലെ എന്ട്രി ഹോമില് പ്രവേശിപ്പിച്ചു.
കഴിഞ്ഞ ചൊവ്വാഴ്ച്ച വെളളിമാടുകുന്ന് എന്ട്രി ഹോമില് നിന്ന് സ്കൂളിലേക്ക് പോയ കുട്ടിയെ കാണാതായിരുന്നു. അന്നു രാത്രിയോടെ ബീച്ചില് നിന്ന് കുട്ടിയെ കണ്ടെത്തി ചേവായൂര് പൊലീസ് സിഡബ്ല്യുസിക്ക് മുന്നില് ഹാജരാക്കി. കുട്ടിയെ വീണ്ടും രണ്ടുപേര് പീഡിപ്പിച്ചതായി പൊലീസ് റിപ്പോര്ട്ട് നല്കുകയായിരുന്നു. കുട്ടിയെ കണ്ടെത്തി ഹാജരാക്കുന്നതില് കാലതാമസം വരുത്തിയതിനും കണ്ടെത്തിയ ശേഷം നടപടിക്രമങ്ങള് സിഡബ്ല്യുസിയെ അറിയിക്കാത്തതിനും വിശദീകരണം നല്കാന് ചേവായൂര് പൊലീസിന് സിഡബ്ല്യുസി ചെയര്മാന് നോട്ടീസ് നല്കിയിരുന്നു.
