രണ്ടുദിവസത്തെ കിതപ്പിന് ശേഷം തലയുയർത്തി സ്വർണവില; വീണ്ടും 90,000 ന് അരികെ

സംസ്ഥാനത്ത് ഇന്ന് സ്വർണവില വർദ്ധിച്ചു. ഒരു പവൻ സ്വർണത്തിന് 560 രൂപയാണ് വർദ്ധിച്ചത്. ഒരു പവന് 89,160 ആണ് ഇന്നത്തെ വില. ഒരു ഗ്രാം സ്വർണത്തിന് 70 രൂപ വർദ്ധിച്ച് 11,145 രൂപയായി. ഒരു ഗ്രാം 24 കാരറ്റ് സ്വർണത്തിന് ₹12,158, ഒരു ഗ്രാം 18 കാരറ്റ് സ്വർണത്തിന് 9,119 എന്നിങ്ങനെയാണ് ഇന്നത്തെ നിരക്കുകൾ. വെള്ളിയുടെ വിലയിലും വർദ്ധനവ് ഉണ്ടായി. ഒരു ഗ്രാം വെള്ളിക്ക് 166 രൂപയാണ് ഇന്നത്തെ നിരക്ക്.

സ്വർണവില ഒട്ടും വൈകാതെ തന്നെ ഒരു ലക്ഷം കടക്കുമെന്ന സൂചനകളായിരുന്നു വിപണിയിൽ നിന്ന് ലഭിച്ചിരുന്നു. അതിവേഗമായിരുന്നു വിലയിൽ വർദ്ധനവ് രേഖപ്പെടുത്തിയിരുന്നത്. എന്നാൽ കുറച്ച് ദിവസമായി സ്വർണവില കുറയുന്ന ലക്ഷണമാണ് ഉണ്ടായിവന്നിരുന്നത്. ഇപ്പോൾ അത് വീണ്ടും വർദ്ധനവിലേക്കെത്തിയിരിക്കുകയാണ്.