കനത്ത മഴ തുടരുന്നു.. മിന്നല് ചുഴലി.. വ്യാപക നാശനഷ്ടങ്ങൾ…
സംസ്ഥാനത്ത് കനത്ത മഴ തുടരുന്നു. കോട്ടയത്ത് ഇടവിട്ട് ശക്തമായ മഴ. മറ്റക്കരയില് വീട് തകര്ന്നു. ചോറ്റി സ്വദേശി സണ്ണിയുടെ വീടിനു മുകളില് തെങ്ങ് വീണ് കേടുപാട് പറ്റി. വീട്ടുകാര് അത്ഭുതകരമായി രക്ഷപ്പെട്ടു. ജില്ലയില് വിദ്യാഭ്യാസ സ്ഥാപനങ്ങള്ക്ക് ഇന്ന് കലക്ടര് അവധി പ്രഖ്യാപിച്ചിരുന്നു.
അതേസമയം കോഴിക്കോട് കല്ലാച്ചിയില് മിന്നല് ചുഴലിയില് വന് മരങ്ങള് കടപുഴകി വീടുകള്ക്ക് മുകളില് വീണു. ഇലക്ട്രിക് പോസ്റ്റുകളും തകര്ന്നു. രാത്രിയിലാണ് മിന്നല് ചുഴലിയുണ്ടായത്. കൊടിയത്തൂരില് വീടിന് മുകളിലേക്ക് മരം ഒടിഞ്ഞു വീണു. പാലക്കാട് ജില്ലയിലും കനത്ത മഴയില് വ്യാപക നാശനഷ്ടങ്ങളുണ്ടായി.
