നിമിഷപ്രിയയുടെ അമ്മ യെമനിൽ വീട്ടുതടങ്കിൽ.. പ്രതികരണവുമായി സേവ് നിമിഷ പ്രിയ ഫോറം…

വധശിക്ഷയ്ക്ക് വിധിച്ച മലയാളി നഴ്സ് നിമിഷപ്രിയയുടെ അമ്മ പ്രേമകുമാരി യെമനിൽ വീട്ടുതടങ്കലാണെന്ന് പ്രചരിക്കുന്ന വാർത്തകൾ അടിസ്ഥാനരഹിതമാണെന്ന് സേവ് നിമിഷപ്രിയ ഫോറം. വ്യാജ പ്രചരണങ്ങൾക്ക് പിന്നിൽ പ്രവർത്തിക്കുന്നവർക്ക് മറ്റെന്തോക്കെയോ താൽപര്യങ്ങളുണ്ടാകുമെന്ന് നിമിഷപ്രയിയുടെ ഭർത്താവ് ടോമി പറഞ്ഞതായും സേവ് നിമിഷ പ്രിയ ഫോറം പുറത്തിറക്കിയ പ്രസ്താവനയിൽ പറയുന്നു.

പ്രേമകുമാരിയുമായി ടോമി തോമസ് ഫോണിൽ സംസാരിച്ചിരുന്നതായും പ്രസ്താവനയിലുണ്ട്. നിമിഷപ്രിയയുടെ കേസ് നടത്തിപ്പുമായി ബന്ധപ്പെട്ട് കുടുംബത്തിന്റെ പവർ ഓഫ് അറ്റോണി ഹോൾഡർ ആയ സാമുവൽ ജെറോമിന്റെ സംരക്ഷണയിലാണ് നിമിഷപ്രിയയുടെ അമ്മയുളളത്. ടോമിയുടെ അറിവോടും സമ്മതത്തോടും കൂടിയാണ് പ്രേമകുമാരി യെമനിൽ തുടരുന്നതെന്നും പ്രസ്താവനയിലുണ്ട്യ പ്രസ്താവനയിൽ പറയുന്നു.