മുൻ ഭാര്യക്കും യൂട്യൂബക്കുമെതിരെ പൊലീസില് പരാതി നല്കി ബാല..പരാതിയിൽ പറയുന്നത്…
കൊച്ചി: മുന് പങ്കാളി എലിസബത്തിനും യൂട്യൂബര് അജു അലക്സിനുമെതിരെ പോലീസിൽ പരാതി നൽകി നടന് ബാല. സമൂഹമാധ്യമങ്ങള് വഴി തന്നെ തുടര്ച്ചയായി അപമാനിക്കുന്നുവെന്നും അപവാദ പ്രചാരണം നടത്തുവെന്നും ചൂണ്ടിക്കാട്ടിയാണ് പരാതി നല്കിയത്. ബാലയുടെ ഭാര്യ കോകിലയും പൊലീസില് പരാതി നല്കിയിട്ടുണ്ട്.
സോഷ്യല് മീഡിയയിലൂടെ അപവാദ പ്രചാരണം നടത്തുകയാണ്. അജു അലക്സിന് 50 ലക്ഷം രൂപ നല്കണമെന്ന് ആവശ്യപ്പെട്ട് തനിക്ക് അജ്ഞാത ഫോണ് കോള് വന്നിരുന്നു. പണം നല്കാത്തതാണ് അപവാദപ്രചാരണത്തിന് പിന്നിലെന്നും ഇരുവരും ചേര്ന്ന് തന്നെ ബ്ലാക്ക് മെയില് ചെയ്യുകയാണെന്നും ബാല പൊലീസില് നല്കിയ പരാതിയില് വ്യക്തമാക്കുന്നു.
ബാലയുടെ മുന് പങ്കാളിയും ഗായികയുമായ അമൃത സുരേഷ്, എലിസബത്ത്, അജു അലക്സ് എന്നിവര്ക്കെതിരെയാണ് കോകിലയുടെ പരാതി. ഈ മൂന്ന് പേര് തനിക്കും ബാലയ്ക്കുമെതിരെ അപവാദ പ്രചാരണം നടത്തുന്നു എന്ന് കോകില പരാതിയില് ചൂണ്ടിക്കാട്ടുന്നു.
