ആലപ്പുഴയിൽ വയോധികയുടെ മാല മോഷ്ടിച്ച കേസിൽ ചെറുമകൻ പിടിയിൽ…

ആലപ്പുഴ താമരക്കുളം കീരിവിളയിൽ വീട്ടിൽ മുത്ത് എന്ന 80 വയസ് പ്രായമുള്ള സ്ത്രീയുടെ കൈവശം ഉണ്ടായിരുന്ന സ്വർണ്ണ മാലയും ലോക്കറ്റും മോഷ്ടിച്ച് കടന്ന് കളഞ്ഞു . കൊച്ചുമകനായ കീരിവിളയിൽ വീട്ടിൽ 20 വയസുള്ള അൽതാഫിനെ നൂറനാട് പോലീസ് അറസ്റ്റ് ചെയ്തു .

ചാരുംമൂട് ഭാഗത്ത് വെച്ചാണ് അൽത്താഫിനെ പിടികൂടിയത്. മോഷണം നടത്തി ഒളിവിൽ പോയ പ്രതി എറണാകുളം ഭാഗത്ത് ആഡംബര ജീവിതം നയിച്ചു വരവേ വാഹനം വാങ്ങുന്നതിനായി ചാരുംമൂട്ടിൽ എത്തിയപ്പോളായിരുന്നു പിടികൂടിയത്. തുടർന്ന് പ്രതി മോഷ്ടിച്ച സ്വർണാഭരണം പണയം വെച്ച സ്ഥലത്ത് എത്തി തെളിവെടുപ്പ് നടത്തി.

പ്രതിക്ക് നൂറനാട് പോലീസ് സ്റ്റേഷനിൽ കടയുടമയുടെ വീട് കുത്തി തുറന്ന് മോഷണം നടത്തിയയതിനും കൂടാതെ പ്രായപൂർത്തിയാകാത്ത ഇടുക്കി സ്വദേശിനിയെ പീഡിപിച്ചതിന് മുരിക്കശ്ശേരി സ്റ്റേഷനിലും കേസുകൾ നിലവിലുണ്ട്.
നൂറനാട് സ്റ്റേഷൻ ഹൗസ് ഓഫീസർ എസ്. ശ്രീകുമാറിൻ്റെ നേതൃത്വത്തിൽ സബ് ഇൻസ്പെക്ടർ നിതീഷ് എസ്, എസ്.സി.പി.ഒ ശ്രീകുമാർ,രാധാകൃഷ്ണൻ ആചാരി, സി.പി.ഒ മനുകുമാർ എന്നിവരടങ്ങിയ സംഘമാണ് പ്രതിയെ പിടികൂടിയത്.കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.