പകുതി തസ്തികകൾ വെട്ടിക്കുറച്ച് കെ.എസ്.ഇ.ബി….
പകുതി തസ്തികകൾ വെട്ടിക്കുറച്ച് കെ.എസ്.ഇ.ബി സിവിൽ വിഭാഗം പുനഃസംഘടിപ്പിക്കുന്നു. സിവിൽ വിഭാഗത്തിൽ 50ൽ കൂടുതൽ അസി. എൻജിനീയർമാർ ഉണ്ടാകാത്തവിധമായിരിക്കും പുതുതായി നിയമനം നടത്തുകയെന്ന് ചെയർമാൻ ഉദ്യോഗസ്ഥ സംഘടനകൾക്കു നൽകിയ കത്തിൽ വ്യക്തമാക്കി. നിലവിൽ നൂറോളം അസി. എൻജിനീയർമാരാണ് ഈ വിഭാഗത്തിലുള്ളത്.
ഇടുക്കി പദ്ധതിപോലെയുള്ള വൻകിട പദ്ധതികളുടെ നിർമാണം നടന്ന 1970കളിലെയും 1980കളിലെയും തസ്തികകൾ ഇപ്പോൾ ആവശ്യമില്ലെന്നും സ്ഥാനക്കയറ്റ തസ്തികകൾ പകുതിയാക്കുമെന്നും ചെയർമാൻ വ്യക്തമാക്കി. നിലവിൽ ഈ തസ്തികകളിലിരിക്കുന്നവർ വിരമിക്കുകയോ സ്ഥാനക്കയറ്റം കിട്ടുകയോ ചെയ്യുന്ന മുറക്ക് ആ തസ്തികകൾ വാനിഷിങ് കാറ്റഗറിയായി പരിഗണിക്കും.




