ഒന്നും കാണാൻ പറ്റുന്നില്ല…ആകാശമാകെ ചാരപ്പുക…വിമാനങ്ങൾ റദ്ദാക്കി ഇൻഡിഗോയും എയർ ഇന്ത്യയും…
ബാലിയിലേക്കുള്ള വിമാന സ‍ർവ്വീസുകൾ റദ്ദാക്കി ഇന്ത്യ ഉൾപ്പെടെയുള്ള വിവിധ രാജ്യങ്ങൾ. ഇന്ത്യ, മലേഷ്യ, സിംഗപ്പൂർ, ഹോങ്കോംഗ്, ഓസ്‌ട്രേലിയ തുടങ്ങിയ രാജ്യങ്ങളിലെ നിരവധി പ്രമുഖ വിമാനക്കമ്പനികൾ ബാലിയിലേക്കുള്ള തങ്ങളുടെ വിമാന സ‍വ്വീസുകൾ റദ്ദാക്കി. ഫ്‌ളോറസ് ദ്വീപിലെ ശക്തമായ അഗ്നിപർവ്വത സ്ഫോടനം കാരണമാണ് ഈ നടപടി. മൗണ്ട് ലെവോടോബി ലാക്കി-ലാക്കി അഗ്നിപർവ്വതമാണ് കഴിഞ്ഞ ദിവസം പൊട്ടിത്തെറിച്ചത്. ഒമ്പത് കിലോമീറ്റർ ഉയരത്തിലായിരുന്നു സ്ഫോടനം. ഇത് വ്യോമയാന സുരക്ഷയ്ക്ക് കാര്യമായ അപകടമുണ്ടാക്കിയതായാണ് റിപ്പോ‍ർട്ടുകൾ.
