റസിഡൻഷ്യൽ ഫ്ലാറ്റിൽ തീപിടുത്തം….കെട്ടിത്തിലുണ്ടായിരുന്ന ആറുപേരെയും
ഒമാനിലെ ഫ്ലാറ്റിൽ തീ പിടുത്തം. മസ്കറ്റിലെ സീബ് വിലായത്തില്‍ താമസ കെട്ടിടത്തിനാണ് തീപിടിച്ചത്. സംഭവ സമയം കെട്ടിടത്തിൽ ആളു കുറവായതിനാൽ വൻ ദുരന്തം ഒഴിവായി. കെട്ടിടത്തില്‍ ഉണ്ടായിരുന്ന ആറുപേരെയും അഗ്നിശമന സേനാംഗങ്ങൾ രക്ഷപ്പെടുത്തി.
തിങ്കളാഴ്ച വൈകിട്ടാണ് തീപിടിത്തമുണ്ടായത്. സംഭവസ്ഥലത്ത് എത്തിയ സിവില്‍ ഡിഫന്‍സ് ആന്‍ഡ് ആംബുലന്‍സ് അതോറിറ്റിയുടെ അഗ്നിശമന സേന അംഗങ്ങള്‍ എത്തി തീ നിയന്ത്രണവിധേയമാക്കി. സംഭവ സമയത്ത് കെട്ടിടത്തില്‍ ആറ് പേരാണ് ഉണ്ടായിരുന്നത്. ഹൈഡ്രോളിക് ക്രെയിന്‍ ഉപയോഗിച്ച് എല്ലാ താമസക്കാരെയും രക്ഷപ്പെടുത്തിയെന്നും ആര്‍ക്കും പരിക്കേറ്റിട്ടില്ലെന്നും സിവില്‍ ഡിഫന്‍സ് അധികൃതര്‍ അറിയിച്ചു.
