വണ്ടി തടഞ്ഞുനിർത്തി അസഭ്യവർഷവും വടിവാൾ പ്രയോഗവും…. കൊച്ചിയിൽ ബസ് ജീവനക്കാർക്ക്…
കൊച്ചി: കൊച്ചിയില് സ്വകാര്യ ബസുകള് തമ്മിലുണ്ടായ സമയക്രമം സംബന്ധിച്ച തര്ക്കത്തിനിടെ വടിവാളുമായി ബസ് ജീവനക്കാരന്റെ പരാക്രമം. ‘അതുല്യ’ എന്ന സ്വകാര്യ ബസിലെ ജീവനക്കാരനാണ് വടിവാളുമായി ക്രൂരമായ ആക്രമണം നടത്തിയത്. ആക്രമണത്തില് ‘ഗുരുദേവന്’ എന്ന ബസിലെ ജീവനക്കാര്ക്ക് പരിക്കേറ്റിട്ടുണ്ട്. സംഭവത്തിന്റെ ഭീകരമായ ദൃശ്യങ്ങളും ഇപ്പോൾ പുറത്തുവന്നിട്ടുണ്ട്. രണ്ട് ബസുകളും തമ്മില് ഓടുന്ന സമയം സംബന്ധിച്ച് നാളുകളായി നിലനില്ക്കുന്ന തര്ക്കമാണ് ഈ ആക്രമണത്തിന് കാരണമെന്നാണ് കരുതുന്നത്.
ഇതിന് പുറമേ ഇന്ന് രാവിലെ 11 മണിക്ക് കലൂര് സ്റ്റാന്റില് വെച്ച് പാര്ക്കിങിനെ ചൊല്ലിയും ഇരു ബസുകളിലെയും ജീവനക്കാർ തമ്മില് വലിയ തര്ക്കമുണ്ടായിരുന്നു. ഇതിന് പിന്നാലെ ഇരു ബസുകളും വൈറ്റില ഹബ്ബിൽ എത്തിയപ്പോഴാണ് ഗുരുദേവ ബസിലെ ജീവനക്കാരെ അതുല്യ ബസിലെ ജീവനക്കാരന് വടിവാളുമായി നേരിട്ടത്. വണ്ടി തടഞ്ഞ് നിര്ത്തിയായിരുന്നു പ്രതി ആക്രമണം നടത്തിയത്. ആക്രമണ സമയത്ത് ഇയാൾ തങ്ങളെ ക്രൂരമായി അസഭ്യം പറഞ്ഞതായും ‘ഗുരുദേവന്’ ബസിലെ ജീവനക്കാര് വ്യക്തമാക്കുന്നു. അക്രമത്തിൽ ബസിലെ ഡ്രൈവര്ക്കും കണ്ടക്ടര്ക്കും പരിക്കേറ്റിട്ടുണ്ട്. ഇരുവരും നിലവിൽ ആശുപത്രിയില് ചികിത്സ തേടിയിരിക്കുകയാണ്. ആക്രമണം നടത്തിയ പ്രതികൾക്കെതിരെ പരിക്കേറ്റ ജീവനക്കാർ മരട് പൊലീസിന് ഔദ്യോഗികമായി പരാതി നല്കിയിട്ടുണ്ട്. പകൽസമയത്ത് പൊതുമധ്യത്തിൽ മാരകായുധങ്ങളുപയോഗിച്ച് നടത്തിയ അക്രമണമായതിനാല് പ്രതികള്ക്കെതിരെ ആംസ് ആക്റ്റ് അടക്കമുള്ള കടുത്ത വകുപ്പുകൾ ചുമത്താനാണ് സാധ്യതയെന്ന് പൊലീസ് കേന്ദ്രങ്ങൾ സൂചിപ്പിക്കുന്നു.
