പരാതി നൽകിയതിൽ പക.. പ്ലസ് വൺ വിദ്യാർത്ഥികൾക്ക് സീനിയർ കുട്ടികളുടെ മർദനം….

റാഗിങ്ങിന്റെ പേരിൽ പ്ലസ് വൺ വിദ്യാർത്ഥികൾക്ക് സീനിയർ വിദ്യാർത്ഥികളുടെ മർദനം.ആദ്യ മർദനത്തിന് പിന്നാലെ പൊലീസിൽ പരാതി നൽകിയിരുന്നു.ഇത് ചോദ്യം ചെയ്തായിരുന്നു ഇപ്പോളത്തെ മർദനം. മലപ്പുറം കൊണ്ടോട്ടി ജിവിഎച്ച്എസ് സ്കൂളിലെ പ്ലസ് വൺ വിദ്യാർത്ഥികൾക്കാണ് മർ​ദനമേറ്റത്.

അതേസമയം പ്ലസ് വൺ വിദ്യാർത്ഥികളെ മർദിക്കുന്നതിന്റെ ദൃശ്യങ്ങൾ റീൽ ആക്കി സോഷ്യൽ മീഡിയയിൽ പ്രചരിപ്പിക്കുകയും ചെയ്തതായി പൊലീസ് പറയുന്നു.സംഭവത്തിൽ കൊണ്ടോട്ടി പൊലീസ് ഏഴ് പ്ലസ് ടു വിദ്യാർത്ഥികൾക്കെതിരെ കേസ് എടുത്തു.