ഓണക്കാല റേഷന് തിങ്കളാഴ്ച….വിലക്കയറ്റം നിയന്ത്രിക്കാന് ഇടപെടുമെന്ന് മന്ത്രി അനൂപ് ജേക്കബ്….
തിരുവനന്തപുരം : ഓണക്കാല റേഷന് വിതരണം തിങ്കളാഴ്ച മുതല് ആരംഭിക്കും. മഞ്ഞ കാര്ഡിന് 30 കിലോ അരിയും രണ്ട് കിലോ ഗോതമ്പും സൗജന്യമായും മൂന്ന് പാക്കറ്റ് ആട്ട ഏഴ് രൂപാ നിരക്കിലും ലഭിക്കും. പിങ്ക് കാര്ഡിലെ ഓരോ അംഗത്തിനും നാല് കിലോ അരിയും ഒരു കിലോ ഗോതമ്പും സൗജന്യമായും ആട്ട ഒമ്പത് രൂപാ നിരക്കിലും ലഭിക്കും.
നീല കാര്ഡില് ഓരോ അംഗത്തിനും രണ്ട് കിലോ അരി വീതം കിലോയ്ക്ക് നാല് രൂപയ്ക്കും രണ്ട് കിലോ സ്പെഷല് ഗോതമ്പ് കിലോയ്ക്ക് 8.70 രൂപയ്ക്കും മൂന്ന് കിലോ അരി 10.90 രൂപാ നിരക്കിലും ലഭിക്കും. താലൂക്കിലെ സ്റ്റോക്കിനനുസരിച്ച് കാര്ഡിന് നാല് കിലോ വരെ ആട്ട കിലോയ്ക്ക് 17 രൂപയ്ക്ക് നല്കും. അധികവിഹിതമായി പരമാവധി 10 കിലോ അരി 26 രൂപാ നിരക്കില് ഓഗസ്റ്റ് 10 മുതല് ലഭിക്കും. ഓണക്കാലത്ത് വിലക്കയറ്റം നിയന്ത്രിക്കാന് വിപണിയില് ഇടപെടുമെന്നും മന്ത്രി അനൂപ് ജേക്കബ് പറഞ്ഞു.
