നെടുമ്പാശ്ശേരി അപകടം: പ്രതി സുഹൈലിനെതിരെ എക്‌സൈസ്…. മദ്യം നല്‍കിയ മൂന്ന് ബാറുകള്‍ക്കും….
കൊച്ചി: നെടുമ്പാശ്ശേരിയില്‍ മൂന്ന് യുവാക്കളുടെ ജീവനെടുത്ത മിനി കൂപ്പര്‍ അപകടത്തില്‍ പ്രതി സുഹൈലിനെതിരെ എക്‌സൈസ് വകുപ്പ് കേസെടുത്തു. 23 വയസ് തികയുന്നതിന് മുന്‍പ് മദ്യം ഉപയോഗിച്ച കുറ്റത്തിനാണ് ആലുവ എക്‌സൈസ് റേഞ്ച് സുഹൈലിനെതിരെ കേസെടുത്തിരിക്കുന്നത്. പ്രതിയെ ഉടന്‍ തന്നെ എക്‌സൈസ് ചോദ്യം ചെയ്യും. പ്രായപൂര്‍ത്തിയാകാത്തയാള്‍ക്ക് (23 വയസിന് താഴെയുള്ളവര്‍ക്ക്) മദ്യം വിളമ്പിയ സംഭവത്തില്‍ സുഹൈലിന് മദ്യം നല്‍കിയ മൂന്ന് ബാറുകള്‍ക്കെതിരെയും എക്‌സൈസ് കേസ് രജിസ്റ്റര്‍ ചെയ്തിട്ടുണ്ട്.
ഇത്തരം നിയമലംഘനങ്ങള്‍ക്കെതിരെ കര്‍ശന നടപടിയുണ്ടാകുമെന്ന് അധികൃതര്‍ വ്യക്തമാക്കി. എറണാകുളത്തെ അപകടം അതിദാരുണമാണെന്ന് എക്‌സൈസ് വകുപ്പ് മന്ത്രി എം. ലിജു പ്രതികരിച്ചു. 23 വയസിന് താഴെയുള്ള ആള്‍ക്ക് മദ്യം കൊടുത്ത സംഭവത്തില്‍ മൂന്ന് ബാറുകള്‍ക്കെതിരെ കേസെടുത്തിട്ടുണ്ടെന്നും, ഈ വിഷയത്തില്‍ സര്‍ക്കാരിന്റെ ഭാഗത്തുനിന്ന് ഒരു വിട്ടുവീഴ്ചയും ഉണ്ടാകില്ലെന്നും മന്ത്രി വ്യക്തമാക്കി. കൂടാതെ, ഭാവിയില്‍ ഇത്തരം സംഭവങ്ങള്‍ ആവര്‍ത്തിക്കാതിരിക്കാന്‍ സര്‍ക്കാര്‍ കൃത്യമായ മാര്‍ഗ്ഗരേഖ പുറത്തിറക്കുമെന്നും മന്ത്രി അറിയിച്ചു.
