സ്കൂളിലെത്തിയ അധ്യാപകരും വിദ്യാർത്ഥികളും കണ്ടത് ഞെട്ടിക്കുന്ന കാഴ്ച.. സംഭവം കോട്ടയത്ത്..
കോട്ടയം പള്ളിക്കത്തോട് സ്കൂൾ ആക്രമിച്ചു. ഇളമ്പള്ളി സർക്കാർ യുപി സ്കൂളിന് നേരെയാണ് ആക്രമണമുണ്ടയത്. സ്കൂളിന്റെ ജനലും വാതിലും തകർത്തു. ഇന്നലെ രാത്രിയാണ് ആക്രമണമുണ്ടായിരിക്കുന്നത്. സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്. ജനൽചില്ലുകൾ പൊട്ടുന്ന ശബ്ദവും മറ്റും പ്രദേശവാസികൾ കേട്ടില്ലെന്ന വിവരമാണ് പുറത്തുവരുന്നത്. ഇന്ന് രാവിലെ സ്കൂളിലേക്ക് എത്തിയ അധ്യാപകരും വിദ്യാർത്ഥികളുമാണ് സ്കൂളിന്റെ വാതിലും ജനലും തകർത്തത് കണ്ടത്. കല്ലും കുപ്പിയും എറിഞ്ഞാണ് ആക്രമണം നടത്തിയതെന്നതിന്റെ തെളിവും പരിസരത്ത് കാണാം. ഇവിടങ്ങളിൽ സിസിടിവി സംവിധാനമില്ല. അതുകൊണ്ട് തന്നെ സിസിടിവി ദൃശ്യങ്ങൾ കേന്ദ്രീകരിച്ചുള്ള അന്വേഷണം പ്രായോഗികമല്ല. വിരലടയാള വിദഗ്ധരെ എത്തിച്ച് പരിശോധന നടത്താനുള്ള ശ്രമങ്ങൾ പൊലീസ് ആരംഭിച്ചിട്ടുണ്ട്.
