ഗ്രാമീണ ബാങ്കുകളിൽ 13,706 ഒഴിവുകൾ; ഡിഗ്രി മതി, മുൻപരിചയം വേണ്ട !
ഇന്ത്യയിലെ ഗ്രാമീണ ബാങ്കുകളിൽ ഓഫീസർ, ക്ലർക്ക് തസ്തികകളിലേക്ക് നിയമനം നടത്തുന്നതിനായി ഇൻസ്റ്റിറ്റ്യൂട്ട് ഓഫ് ബാങ്കിംഗ് പേഴ്സണൽ സെലക്ഷൻ (IBPS) പുറത്തിറക്കി. അകെ 13,706 ഒഴിവുകളാണ് ഉള്ളത്. കേരളത്തിൽ 435 ഒഴിവുകൾ ഉണ്ട്. ബിരുദം മുതൽ യോഗ്യതയുള്ളവർക്ക് ആണ് അവസരം. പ്രവൃത്തി പരിചയം ആവശ്യമില്ലാത്ത തസ്തികകളിലും ഉണ്ട്. അപേക്ഷകൾ സമർപ്പിക്കേണ്ട അവസാന തീയതി സെപ്റ്റംബർ 21.
കേരളത്തിലെ ഒഴിവുകൾ
- ഓഫീസ് അസിസ്റ്റന്റ് (മൾട്ടിപർപ്പസ്) – 350
- ഓഫീസർ സ്കെയിൽ ഒന്ന് I (അസിസ്റ്റന്റ് മാനേജർ)- 55
- ഓഫീസർ സ്കെയിൽ III (സീനിയർ മാനേജർ) – 03
- ജനറൽ ബാങ്കിങ് ഓഫീസർ- 12
- ചാർട്ടേഡ് അക്കൗണ്ടന്റ്- 2
- ലോ ഓഫീസർ- 3
- ട്രഷറി മാനേജർ – 2
തസ്തികയും മറ്റ് വിവരങ്ങളും
1. ഓഫീസ് അസിസ്റ്റന്റ്
- പ്രായപരിധി: 18 മുതൽ 28 വയസ്സ് വരെ.
- വിദ്യാഭ്യാസ യോഗ്യത: ഏതെങ്കിലും വിഷയത്തിൽ നേടിയ ബിരുദം (Degree).
- അപേക്ഷിക്കുന്ന സംസ്ഥാനത്തെ പ്രാദേശിക ഭാഷ അറിയണം.
- കംപ്യുട്ടർ പരിജ്ഞാനം ഉണ്ടായിരിക്കണം.
- പ്രവൃത്തിപരിചയം ആവശ്യമില്ല
2. ഓഫീസർ (സ്കെയിൽ-I)
- പ്രായപരിധി: 18 മുതൽ 30 വയസ്സ് വരെ.
- വിദ്യാഭ്യാസ യോഗ്യത: ഏതെങ്കിലും വിഷയത്തിൽ നേടിയ ബിരുദം (Degree).
- മുൻഗണന ലഭിക്കുന്നവർ: അഗ്രികൾച്ചർ, ഐടി, ലോ, ഇക്കണോമിക്സ്, അക്കൗണ്ടൻസി എന്നീ വിഷയങ്ങൾ പഠിച്ചവർക്ക് മുൻഗണന ലഭിക്കും.
- അപേക്ഷിക്കുന്ന സംസ്ഥാനത്തെ പ്രാദേശിക ഭാഷ അറിയണം.
- പ്രവൃത്തിപരിചയം ആവശ്യമില്ല
തെരഞ്ഞെടുപ്പ് പ്രക്രിയ
ഓഫീസ് അസിസ്റ്റന്റ് (Clerk): രണ്ട് ഘട്ടങ്ങളായുള്ള ഓൺലൈൻ പരീക്ഷ. പ്രിലിമിനറി പരീക്ഷയും (Prelims) അതിൽ പാസ്സാകുന്നവർക്ക് മെയിൻ പരീക്ഷയും (Mains) ഉണ്ടാകും. ഇതിന് ഇന്റർവ്യൂ ഉണ്ടായിരിക്കില്ല. മെയിൻ പരീക്ഷയുടെ മാർക്കിന്റെ അടിസ്ഥാനത്തിലാണ് ജോലി ലഭിക്കുക.
ഓഫീസർ സ്കെയിൽ-I (PO): മൂന്ന് ഘട്ടങ്ങളായുള്ള തിരഞ്ഞെടുപ്പ്. പ്രിലിംസ് പരീക്ഷ, മെയിൻ പരീക്ഷ, അതിനുശേഷം ഫേസ്-ടു-ഫേസ് ഇന്റർവ്യൂ എന്നിവ ഉണ്ടായിരിക്കും.
ഓഫീസർ സ്കെയിൽ-II & III: ഇവർക്ക് പ്രിലിംസ് പരീക്ഷ ഇല്ല. നേരിട്ട് ഒരു സിംഗിൾ ഓൺലൈൻ പരീക്ഷയും അതിനുശേഷം ഇന്റർവ്യൂവും മാത്രമാണ് ഉണ്ടാകുക.
അപേക്ഷ സമർപ്പിക്കാനുള്ള ലിങ്ക്:
https://ibpsreg.ibps.in/rrboaxvaug26
