കാട്ടാന ശല്യം രൂക്ഷമായതിനാല് എക്സ്ട്രാ ലൈറ്റുകള് ഘടിപ്പിച്ചു….ആംബുലന്സിന് എംവിഡിപിഴയിട്ടത്…
കൊച്ചി: മോഡിഫിക്കേഷന് നടത്തിയെന്ന് കാട്ടി ആംബുലന്സിന് പിഴയിട്ട് മോട്ടോര് വാഹന വകുപ്പ്. കാലടി പ്ലാന്റേഷന് കോര്പ്പറേഷന്റെ ആംബുലന്സിനാണ് പിഴ ലഭിച്ചത്. എക്സ്ട്രാ ലൈറ്റുകള് ഘടിപ്പിച്ചതിനാണ് പിഴ. 5500 രൂപയാണ് ആംബുലന്സിന് പിഴയിട്ടത്.
എന്നാല് ലൈറ്റുകള് ഘടിപ്പിച്ചത് കാട്ടാന ശല്യം രൂക്ഷമായ മേഖലയായതിനാലാണെന്നാണ് കാലടി പ്ലാന്റേഷന് കോര്പ്പറേഷന് നല്കുന്ന വിശദീകരണം. മുകള് ഭാഗത്ത് രണ്ട് ലൈറ്റുകളാണ് കൂടുതലായി ആംബുലന്സില് ഘടിപ്പിച്ചിരുന്നത്. മലയോര മേഖല ആയതിനാല് പ്ലാന്റേഷനിലെ തൊഴിലാളികളടക്കം ആശ്രയിച്ചു പോരുന്ന ആംബുലന്സിനെതിരെയാണ് മോട്ടോര് വാഹന വകുപ്പിന്റെ നടപടി. വന്യമൃഗ ശല്യം രൂക്ഷമായ മേഖലയിലാണ് ആംബുലന്സ് സേവനം നടത്തുന്നത്.
