വിദേശ വിപണിയില്‍ കണ്ണെറിഞ്ഞ് ഇന്ത്യാക്കാര്‍….വര്‍ധന…
വിദേശ ഓഹരികളിലും ബോണ്ടുകളിലുമുള്ള ഇന്ത്യക്കാരുടെ നിക്ഷേപത്തില്‍ വന്‍ വര്‍ധന. റിസര്‍വ് ബാങ്കിന്റെ കണക്കുകള്‍ പ്രകാരം, 2026 സാമ്പത്തിക വര്‍ഷത്തില്‍ ഈ നിക്ഷേപം മുന്‍വര്‍ഷത്തെക്കാള്‍ 56.1 ശതമാനം ഉയര്‍ന്ന് 270 കോടി ഡോളറിലെത്തി. ആഭ്യന്തര വിപണിയില്‍ മാത്രം ഒതുങ്ങാതെ വിവിധ രാജ്യങ്ങളിലേക്ക് നിക്ഷേപം വ്യാപിപ്പിക്കാന്‍ ഇന്ത്യക്കാര്‍ കൂടുതല്‍ താല്‍പര്യം കാണിക്കുന്നതിന്റെ സൂചനയാണിത്.
അന്താരാഷ്ട്ര ഓഹരി വിപണികളിലെ മുന്നേറ്റവും ഇന്ത്യന്‍ മ്യൂച്വല്‍ ഫണ്ടുകള്‍ വഴി പുതുതായി വിദേശത്ത് നിക്ഷേപിക്കുന്നതിനുള്ള അവസരങ്ങളുമാണ് വിദേശ വിപണിയില്‍ നിക്ഷേപം കൂടാനുള്ള കാരണം. ആര്‍ട്ടിഫിഷ്യല്‍ ഇന്റലിജന്‍സ്, സെമികണ്ടക്ടര്‍, ഡിജിറ്റല്‍ സേവനങ്ങള്‍ തുടങ്ങിയ മേഖലകളിലെ ആഗോള ടെക്‌നോളജി കമ്പനികള്‍ ഇന്ത്യന്‍ നിക്ഷേപകരെ ആകര്‍ഷിക്കുന്നുണ്ട്. എന്നാല്‍ ഏതെല്ലാം കമ്പനികളിലേക്കോ മേഖലകളിലേക്കോ ആണ് പണമെത്തിയതെന്ന കണക്കുകള്‍ ലഭ്യമല്ല.
