ആർഎസ്എസിനെതിരേ സിപിഎം ജില്ലാ സെക്രട്ടറി കെ കെ രാഗേഷ്….

: ആർഎസ്എസിനെതിരേ സിപിഎം കണ്ണൂർ ജില്ലാ സെക്രട്ടറി കെ കെ രാഗേഷ്. ആർഎസ്എസ് ആണെന്ന് പറഞ്ഞ് ക്ഷേത്രത്തിൽ കയറി എന്തും കാണിക്കാമെന്ന് കരുതേണ്ടെന്നും കള്ള് കുടിക്കുന്നവരുടെയും കഞ്ചാവ് അടിക്കുന്നവരുടെയും ഇടമല്ല ക്ഷേത്രമെന്നും കെ കെ രാഗേഷ് പറഞ്ഞു. കണ്ണൂർ വേങ്ങാട് നടന്ന രാഷ്ട്രീയ വിശദീകരണ യോഗത്തിലായിരുന്നു സിപിഎം ജില്ലാ സെക്രട്ടറി ആർഎസ്എസിനെതിരെ പരാമർശങ്ങൾ നടത്തിയത്.

ശ്രീകൃഷ്ണ ജയന്തി ഘോഷയാത്രക്ക് പോകുന്ന കുട്ടികൾ പിന്നെ ശാഖയിൽ പോകാൻ തുടങ്ങും. അവരുടെ സ്വഭാവം മാറും, ചുവന്ന കൊടി നശിപ്പിക്കാൻ തോന്നും. കൃഷ്ണനാകാൻ പോകുന്നവരെ ആർഎസ്എസ് കംസനാക്കും. ആർഎസ്എസ് വല്ലാണ്ട് കളിക്കാൻ നിൽക്കേണ്ടെന്നും രാഗേഷ് പറഞ്ഞു