വീണാ ജോര്ജിനെതിരായ ആക്രമണം… അന്വേഷണത്തിന് എസ്ഐടി രൂപീകരിച്ചു…
തിരുവനന്തപുരം: മുന്മന്ത്രി വീണാ ജോര്ജിനെ കെഎസ്യു പ്രവര്ത്തകര് ആക്രമിച്ചെന്ന കേസിന്റെ അന്വേഷണത്തിന് എസ്ഐടി രൂപീകരിച്ചു. യു പ്രേമന്റെ നേതൃത്വത്തിലുള്ള പ്രത്യേക അന്വേഷണ സംഘം കേസ് അന്വേഷിക്കും. കെഎസ്യു പ്രവര്ത്തകര് നല്കിയ പരാതിയിലാണ് അന്വേഷണം.
വീണാ ജോര്ജിനെ ആയുധം ഉപയോഗിച്ച് വധിക്കാന് ശ്രമിച്ചെന്നായിരുന്നു കേസ്. 13 വകുപ്പുകള് ചുമത്തി കേസെടുത്ത പൊലീസ് പിന്നീട് വധശ്രമക്കുറ്റം ഒഴിവാക്കിയിരുന്നു. തുടരന്വേഷണം ആവശ്യപ്പെട്ട് കണ്ണൂര് എംഎല്എ ടി ഒ മോഹനന് ആഭ്യന്തര മന്ത്രിക്ക് കത്ത് നല്കിയിരുന്നു. കേസ് കെട്ടിച്ചമച്ചതാണെന്നായിരുന്നു എംഎല്എ പരാതിയില് ആരോപിച്ചത്. കെഎസ്യു ജില്ലാ പ്രസിഡന്റ് അടക്കം അഞ്ചുപേരാണ് കേസിലെ പ്രതികള്.
