ഓട്ടോ ഡ്രൈവറുടെ മരണത്തിൽ MVDക്കെതിരെ ഗുരുതര ആരോപണങ്ങൾ….
ഫിറ്റ്നസ് സര്ട്ടിഫിക്കറ്റ് നല്കാത്തതിനെ തുടര്ന്ന് മോട്ടോര് വാഹന വകുപ്പിനെതിരെ ഗുരുതര ആരോപണങ്ങള് ഉന്നയിച്ച ഓട്ടോ ഡ്രൈവര് ജീവനൊടുക്കി. മലപ്പുറം കിഴിശ്ശേരി മുണ്ടംപറമ്പ് സ്വദേശി ഷൗക്കത്ത് (35) മരിച്ചത്. ഓട്ടോയുടെ ഫിറ്റ്നസിനായി ഏജന്റ് വഴിയല്ലാതെ നേരിട്ട് എംവിഡിയെ ബന്ധപ്പെട്ടപ്പോള് നിരന്തരം ഫിറ്റ്നസ് നിഷേധിച്ചെന്നാണ് ആരോപണം. തന്റെ മരണത്തിന് ഉത്തരവാദികള് മോട്ടോര് വാഹന വകുപ്പ് ആണെന്ന ഫേസ്ബുക്ക് പോസ്റ്റ് പങ്കുവെച്ചതിന് ശേഷമാണ് ഇയാള് ജീവനൊടുക്കിയത്.കൈക്കൂലി കൊടുത്തില്ലെന്ന ഏക കാരണം കൊണ്ട് അവര് ജീവിത മാര്ഗം തന്നെ തകര്ത്തു എന്നാണ് ആരോപണം.
