4 വയസുള്ള കൊച്ചുമകളോട് ലൈംഗികാതിക്രമം; യുവാവിനെ വെട്ടിപരിക്കേൽപിച്ച്, പൊലീസ് സ്റ്റേഷനിലേക്ക് വലിച്ചിഴച്ച് മുത്തശ്ശി
നാല് വയസുകാരിയായ കൊച്ചുമകളോട് ലൈംഗിക അതിക്രമം നടത്തിയ യുവാവിനെ അരിവാൾ കൊണ്ട് വെട്ടി പരിക്കേൽപ്പിച്ച് പോലീസ് സ്റ്റേഷനിലേക്ക് വലിച്ചിഴച്ച് മുത്തശ്ശി. തമിഴ്നാട് കരൂരിൽ ആണ് സംഭവം നടന്നത്. 4 വയസുള്ള പെൺകുട്ടിയെ ഉപദ്രവിച്ച കെട്ടിട നിർമാണത്തൊഴിലാളി മാണിക്യനെ ആണ് മുത്തശി കൈകാര്യം ചെയ്തത്. വിവരം അറിഞ്ഞ നാട്ടുകാരും ഇയാളെ മർദിച്ചു. പെൺകുട്ടിയിൽ നിന്ന പീഡനവിവരം അറിഞ്ഞ മുത്തശ്ശി യുവാവിനെ തിരക്കി ഇറങ്ങുകയായിരുന്നു. യുവാവിനെ ആശുപത്രിയിൽ പ്രവേശിപ്പിച്ചിരിക്കുകയാണ്. ഇയാളുടെ ശരീരത്തിൽ പത്തിടത്ത് മുറിവുണ്ട്. സംഭവത്തിൽ പൊലീസ് കേസെടുത്തിട്ടില്ല.
