65,000 മുന്ഗണനാ റേഷന് കാര്ഡുകളുടെ വിതരണം ഉടന്…
തിരുവനന്തപുരം: ഒരാഴ്ചയ്ക്കകം 65,000 മുന്ഗണനാ റേഷന് കാര്ഡുകള് കൂടി സംസ്ഥാനത്ത് വിതരണം ചെയ്യും. ജനുവരിയില് 35,000ലേറെ കാര്ഡുകള് നല്കിയിരുന്നു. തുടര്ന്ന് ഫെബ്രുവരി 24 വരെ സമര്പ്പിച്ച ഓണ്ലൈന് അപേക്ഷകളിലാണ് ഭക്ഷ്യവകുപ്പ് വേഗത്തില് പരിശോധന പൂര്ത്തിയാക്കി കൂടുതല് കാര്ഡുകള് എത്തിക്കുന്നത്.
സ്വമേധയാ സറണ്ടര് ചെയ്യാന് അവസരം നല്കിയതിലൂടെയും ‘ഓപ്പറേഷന് യെല്ലോ’ എന്ന തീവ്രപരിശോധനയിലൂടെയും അനര്ഹര് കൈവശംവച്ച കാര്ഡുകള് മടക്കിവാങ്ങി അര്ഹര്ക്ക് വിതരണം ചെയ്യുന്നതിന്റെ ഭാഗമായാണ് നടപടി. 65,000 മുന്ഗണനാ റേഷന് കാര്ഡുകള് കൂടി വിതരണം ചെയ്യുന്നതോടെ രണ്ടാം എല്ഡിഎഫ് സര്ക്കാരിന്റെ കാലത്ത് തരംമാറ്റി വിതരണം ചെയ്ത മുന്ഗണനാ റേഷന് കാര്ഡുകളുടെ എണ്ണം ഏഴ് ലക്ഷമാകും.
