നിലയ്ക്കല് അന്നദാന ക്രമക്കേട്; മുന് അഡ്മിനിസ്ട്രേറ്റീവ് ഓഫീസറുടെ സ്വത്തുക്കള് താല്ക്കാലികമായി കണ്ടുകെട്ടി ഇഡി
നിലയ്ക്കല് അന്നദാനവുമായി ബന്ധപ്പെട്ട സാമ്പത്തിക ക്രമക്കേട് കേസില് മുന് അഡ്മിനിസ്ട്രേറ്റീവ് ഓഫീസര് ജെ ജയപ്രകാശിന്റെയും ഭാര്യയുടെയും സ്വത്തുക്കള് എന്ഫോഴ്സ്മെന്റ് ഡയറക്ട്രേറ്റ് താത്ക്കാലികമായി കണ്ടുകെട്ടി. 40.48 ലക്ഷം രൂപയുടെ സ്വത്തുക്കളാണ് കണ്ടുകെട്ടിയത്.
2018-19 മണ്ഡല മകരവിളക്ക് തീര്ത്ഥാടന കാലയളവില് പച്ചക്കറികളും മറ്റ് അവശ്യസാധനങ്ങളും വാങ്ങിയെന്ന പേരില് വ്യാജ ബില്ലുകള് ചമച്ച് ദേവസ്വം ഫണ്ടില് നിന്ന് 59.98 ലക്ഷം രൂപ തട്ടിയെടുത്തെന്നാണ് കണ്ടെത്തല്. കള്ളപ്പണം വെളുപ്പിക്കല് നിരോധന നിയമപ്രകാരമാണ് ഇ ഡി നടപടി.
